“06” yol kənarında dayana iki nəfəri vurdu: 1 ölü, 1 yaralı - Qazaxda

Qazax rayonunda 1 nəfərin ölümü, 1 nəfərin də xəsarət alması ilə nəticələnən yol-nəqliyyat hadisəsi baş verib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, martın 10-da saat 12 radələrində Qazax rayonunun Aslanbəyli kəndi ərazisində rayon sakini O.Dərgahquliyev idarə etdiyi “VAZ-2106” markalı avtomobillə yolun kənarında dayanmış kənd sakinləri Ziyad Nəsibovu və Z.Məmmədovu vurub. Nəticədə onlar xəsarətlə xəstəxanaya yerləşdirilib, Z.Nəsibov orada ölüb.

Qazax RPŞ tərəfindən araşdırma aparılır.

Namiq Musayev