“07” “Priora” ilə toqquşdu: 5 nəfər hadisə yerində öldü - FOTO

Rusiyanın Voronej əyalətində iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, insident aprelin 7-də axşam saatlarında Buturlinovke şəhərində qeydə alınıb.

Məlumata görə, 33 yaşlı sürücü idarə etdiyi “VAZ-2107” markalı avtomobillə, hərəkətdə olarkən sükan idarəetməsini itirib və yolun əks istiqamətinə çıxaraq qarşıdan gələn “Lada Priora” markalı minik maşını ilə toqquşub. Zərbənin şiddətindən hər iki nəqliyyat vasitəsi deformasiyaya uğrayıb.

Nəticədə “07”dəki 4 nəfər, “Priora”nın isə 22 yaşlı sürücüsü aldıqları xəsarətlərdən hadisə yerində vəfat ediblər.

Faktla bağlı araşdırmalara başlanılıb.

Namiq Musayev