29 yaşlı qadın idarə etdiyi “Toyota”nı aşırdı; 4-ü uşaq, 9 nəfər yaralandı - FOTO

Rusiyanın Tıva Respublikasında minik avtomobilinin iştirakı ilə ağır yol qəzası baş verib. Avtosfer.az “TASS” agentliyinə istinadən xəbər verir ki, hadisə iyunun 18-də Bay-Tayqinsk rayonunda qeydə alınıb.

Məlumata görə, salonunda 9 nəfərin olduğu “Toyota Camry” markalı avtomobil, 29 yaşlı qadın sürücünün idarəetməsindən çıxaraq yol kənarına aşıb.  

Qəza nəticəsində 4-ü uşaq olmaqla, ümumilikdə 9 nəfər xəsarət alıb.

Yaralılar təcili tibbi yardım briqadasının köməkliyi ilə rayon xəstəxanasına çatdırılıblar.

Faktla bağlı araşdırmalara başlanılıb.

Namiq Musayev