4 nəqliyyat vasitəsi toqquşdu; 4 ölü, 1 yaralı - FOTO

Ukraynada 4 nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 7-də Rovnensk əyalətində qeydə alınıb.  

Məlumata görə, Kiyev – Çop avtomagistralının Belaya Kriniça kəndi ərazisindən keçən hissəsində 3 minik avtomobili və 1 yük maşını toqquşub. Qəza nəticəsində 4 nəfər ölüb, 1-i isə xəsarət alıb. Yaralı, hadisə yerinə çağırılan təcili tibbi yardımın köməkliyi ilə xəstəxanaya çatdırılıb.

Hüquq-mühafizə orqanları hadisənin baş vermə səbəblərini araşdırır.

Namiq Musayev