57 nəfərin ölümünə səbəb olan rəis müəllim imiş

Yunanıstanda 57 nəfərin ölümünə səbəb olan qəzanın təhqiqatı davam edir. 

Avtosfer.az-ın xəbərinə görə, bazar günü keçirilən prosesdən sonra stansiya rəisi barədə həbs qətimkan tədbiri seçilib. Bu gün isə baş nazir Kiryakos Mitsotakis işin daha geniş araşdırılmasını tapşırıb. 

Yunan mediası isə daha dəhşətli faktın üstünü açıb. Məlum olub ki, yük və sərnişin qatarını eyni xəttə yönəldən 59 yaşlı stansiya rəisinin dəmiryolu təhsili yoxdur. Ötən ilədək orta məktəbdə müəllim işləyən rəis bu vəzifəyə 3 ay əvvəl təyin edilibmiş. Həm də dəmir yolu kollecində qısa kurs keçərək. 

Həmkarlar ittifaqı bildirir ki, qəza baş verən ərazidə 2000-ci ildən siqnal sistemi işləmir, hər şey əllə nizamlanır.