60 avtomobil toqquşdu: 14 nəfər xəsarət aldı - FOTO

ABŞ-ın Çikaqo şəhərində qeyri-sabit hava şəraiti səbəbindən kütləvi yol-nəqliyyat hadisəsi baş verib. Avtosfer.az xəbər verir ki, insident Con Kennedi avtomagistralında qeydə alınıb. Bu barədə “The Weather Channel” nəşri məlumat yayıb. 
Nəşrin məlumatına əsasən, yağan qar və yolun sürüşkən olmasına görə, 60 avtomobil bir-biri ilə toqquşub. 
Qəza nəticəsində 14 nəfər müxtəlif dərəcəli bədən xəsarətləri ilə xəstəxanaya çatdırılıb, daha 45 nəfərə isə hadisə yerində ilkin tibbi yardım göstərilib. 

Namiq Musayev