7 nəfərin xəsarət aldığı vertolyot qəzasının görüntüləri - VİDEO

Cənubi Koreyada xilasetmə “Sikorsky S-76B” tipli vertolyot qəzaya uğrayıb. Avtosfer.az xəbər verir ki, insident mayın 1-i Kensan-Namdo əyalətinin Çirisan dağının ən yüksək zirvəsi olan  Çhonvan yaxınlığında qeydə alınıb. Bu barədə “YTN” telekanalı məlumat verib.

Telekanalın məlumatına əsasən, heyət, infarkt keçirən bir alpinisti təxliyə etmək üçün xüsusi xilasetmə uçuşu həyata keçirib. Pilot xəstənin olduğu xərəyi iplə göyərtəyə qaldırarkən vertolyot qəfildən eniş etməyə başlayıb və qayaların üzərinə sərt qəza enişi edib.

Bildirilir ki, hadisə nəticəsində 5-i ekipaj üzvü olmaqla, 7 nəfər xəsarət alıb. Aralarında olan alpinist və onu müşayiət edən şəxsin vəziyyəti isə ağırdır.

Hazırda müvafiq dövlət qurumları tərəfindən araşdırmalara başlanılıb.

Namiq Musayev