ABŞ-da təyyarə qəzaya uğradı: 3 ölü

ABŞ-ın Nevada ştatında yüngül mühərrikli təyyarənin qəzaya uğraması nəticəsində 3 nəfər dünyasını dəyişib. Avtosfer.az xəbər verir ki, insident aprelin 25-də axşam saatlarında Qoşut vadisində qeydə alınıb. Bu barədə yerli “Elko Daily” nəşri məlumat yayıb.

Elko dairəsi şerifinin sözlərinə görə, xilasedicilər təyyarənin qalıqlarını Yuta ştatı ilə sərhəddə olan ərazidə aşkarlayıblar.

O, həmçinin qeyd edib ki, hava gəmisinin sərnişinləri Arizonadan olan bir ailənin üç üzvü olub - kişi, qadın və uşaq.

Faktla bağlı araşdırmalar aparılır.

Namiq Musayev