Abşeronda avtomobil piyadanı vuraraq öldürüb

Abşeronda ölümlə nəticələnən yol-nəqliyat hadisəsi baş verib. 

Avtosfer.az-ın APA-ya istinadən məlumatına görə, hadisə Mehdiabad-Pirşağı yolunda qeydə alınıb.

Abşeron sakini Ağarəhim İbrahimovun idarə etdiyi "VAZ 2107" markalı avtomobil yolu keçən 1957-ci il təvəllüdlü Mirvari Məmmədovanı vurub. 

Piyada aldığı xəsarətlərlə xəstəxanaya yerləşdirilib.  Həkimlərin səyinə baxmayaraq, qadın orada ölüb. 

Faktla bağlı araşdırma aparılır.