Abşeronda avtomobil piyadanı vurub - FOTO

Abşeron rayonunda piyadanı maşın vurub. Avtosfer.az APA-ya istinadən xəbər verir ki, hadisə Digah qəsəbəsində baş verib. 1956-ci il təvəllüdlü Məhəmmədrza Hüseynov yolun piyadalar üçün müəyyən edilməmiş hissəsindən keçərkən onu “Opel” markalı avtomobil vurub. Hadisəni törədən sürücü onu 1 saylı şəhər xəstəxanasına yerləşdirib. Həkimlərin verdiyi məlumata görə, M.Hüseynova bədənin sağ tərəfinin çoxsaylı sınığı diaqnozu qoyulub. Onun vəziyyəti orta-ağırdır.

Faktla bağlı Abşeron Rayon Polis İdarəsində araşdırma aparılır.