Abşeronda "VAZ" mikroavtobusa çırpıldı, xəsarət alan var - FOTO

Məhəmmədli qəsəbəsində sürücü qəza zamanı ağır xəsarət alıb.

Hadisə qəsəbənin Mehdi Hüseynzadə küçəsində qeydə alınıb.

Belə ki, 1999-cu il təvəllüdlü Mustafayev İbadət Yadigar oğlu idarə etdiyi “VAZ 2107” markalı maşınla yolun sərt döngəsində sükana nəzarəti itirib.

İdarəetmədən çıxan “VAZ 2107” eyni istiqamətdə olan “Ford” markalı mikroavtobusa çırpılıb.

Qəza zamanı minik avtomobili deformasiyaya uğrayıb.

Toqquşma zamanı “VAZ 2107”nin sürücüsü İ.Mustafayev ağır bədən xəsarətləri alıb.

Yaralı Respublika Neyrocərrahiyyə Xəstəxanasına yerləşdirilib.

Hadisə yerinə Abşeron Rayon Polis İdarəsinin əməkdaşları cəlb edilib.(apa)