Ağdaşda qəza - 4 nəfər xəsarət aldı

Ağdaş rayonunda yol-nəqliyyat hadisəsi baş verib. Avtosfer.az-ın məlumatına görə, qəza Bakı–Qazax avtomobil yolunun rayon ərazisindən keçən hissəsində qeydə alınıb.

Belə ki, idarəetmədən çıxan “Chevrolet” markalı avtomobil yol kənarına aşıb. Nəticədə 1989-cu il təvəllüdlü Süleyman Şəmiyev müxtəlif bədən xəsarətləri ilə Ağdaş rayon xəstəxanasına çatdırılıb. Daha 3 yaralı isə Yevlax rayonundakı tibb müəssisəsinə yerləşdirilib. Faktla bağlı araşdırma aparılır.