Ağstafada avtomobil transformatora çırpıldı, onlarla ev işıqsız qaldı

Ağstafa rayonunda yol qəzası baş verib. 

Avtosfer.az xəbər verir ki, "Report"un Qərb Mərkəzinin məlumatına görə, hadisə şəhərin 20 Yanvar küçəsində qeydə alınıb.

Belə ki, "Mercedes" markalı avtomobil idarəetmədən çıxaraq yol kənarındakı transformatora çırpılıb. Nəticədə transformatora və avtomobilə ciddi ziyan dəyib. Eyni zamanda ərazidə elektrik enerjisi kəsilib, onlarla ev işıqsız qalıb. 

Faktla bağlı araşdırma aparılır.