Mikroavtobusla yük maşını toqquşdu, 3 nəfər öldü; yaralılar var - FOTO - YENİLƏNİB

Ağstafada baş verən yol qəzasında ölənlərin sayı 3-ə çatıb. APA-nın  xəbərinə görə, qəzada xəsarət alan 1966-cı il təvəllüdlü Vəliyeva Mirvari Mikayıl qızı Qazaxda xəstəxanada ölüb.

***

Bakı-Qazax magistralında baş verən ağır yol nəqliyyat hadisəsi zamanı xəsarət alanların sayı 4-ə çatıb. "Report"un məlumatına görə, hadisə yerinə Ağstafada rayonundan 2, Qazax rayonundan 1, 113 - Səhiyyə Nazirliyinin Təcili və Təxirəsalınmaz Tibbi Yardım Stansiyasından isə 1 "təcili yardım" avtomobili cəlb olunub. İlkin məlumatlara görə, yol qəzasında xəsarət alanlardan 3-ü Ağstafa, 1-i isə Qazax Rayon Mərkəzi Xəstəxanasına yerləşdirilib. Bundan başqa hadisə zamanı ölən 1 nəfərin meyiti Səhiyyə Nazirliyinin Məhkəmən Tibbi Ekspertiza və Patoloji Anatomiya Birliyinin Ağstafa rayon şöbəsinə təhvil verilib.

Faktla bağlı araşdırmalar davam etdirilir.

***

Bakı-Qazax avtomobil yolunda ölümlə nəticələnən yol-nəqliyyat hadisəsi olub.

Avtosfer.az-ın məlumatına görə, yol-nəqliyyat hadisəsi zamanı bir nəfərin öldüyü, bir neçə nəfərin isə yaralandığı bildirilir.

Hadisə yerinə Təcili Tibbi Yardım maşınları və Dövlət Yol Polisi əməkdaşları cəlb edilib.

Faktla bağlı araşdırmalara başlanılıb.

"Report"