Ağsuda avtomobil 25 qoyunu vuraraq öldürüb

Ağsu rayonunda xırdabuynuzlu heyvanların tələfatı ilə nəticələnən yol-nəqliyyat hadisəsi baş verib.

Avtosfer.az-ın APA-nın yerli bürosuna istinadən xəbərinə görə, mayın 2-də Ağsu rayon sakini Kamil İsrayılov "Toyota" markalı minik avtomobili ilə Ağsu-Kürdəmir yolunda hərəkətdə olarkən qəflətən qarşısına çıxan qoyun sürüsünə girərək qəza törədib. Təklə kəndi ərazisində baş verən hadisə zamanı yerli sakinlərə məxsus 25 baş qoyun tələf olub.

Faktla bağlı araşdırma aparılır.