Astarada "Lexus" su arxına düşdü: 1 nəfər öldü

Astara rayonu ərazisində 1 nəfərin ölümü ilə nəticələnən yol-nqəliyyat hadisəsi baş verib. Avtosfer.az bu barədə Fövqəladə Hallar Nazirliyinə (FHN) istinadən xəbər verir.

Məlumata görə, Astara rayonunun Şahağac kəndində "Lexus" markalı minik avtomobilinin yol kənarındakı su arxına düşməsi barədə məlumat daxil olub. Hadisə yerinə cəlb olunan Cənub Regional Mərkəzinin xilasetmə qüvvələri 1967-ci il təvəllüdlü Quliyev Fazil Ağarəhim oğlunun meyitini yarı batmış vəziyyətdə olan nəqliyyat vasitəsindən çıxararaq aidiyyəti üzrə təhvil veriblər.

Namiq Musayev