Atasının maşınını qaçıran uşaq zəncirvari qəza törətdi - 4 maşın… - FOTOLAR

Bakıda zəncirvari yol-nəqliyyat hadisəsi baş verib. Hadisə Aydın Məmmədov küçəsində qeydə alınıb.

Avtosfer.az xəbər verir, “Mercedes” markalı 99-NJ-817 dövlət nömrə nişanlı avtomobilin sürücüsü yüksək sürətlə hərəkət edən zaman idarəetməni itirib.

Nəticədə avtomobil əvvəlcə yol kənarında dayanmış nəqliyyat vasitəsinə, daha sonra isə “Toyota” markalı 90-RP-932 və “BYD” markalı 77-QE-290 dövlət nömrə nişanlı avtomobillərə çırpılıb. Qəza nəticəsində ərazidə olan 3 avtomobilə ciddi ziyan dəyib.

Hadisə şahidlərinin Avtosfer.az-a verdiyi məlumata görə, qəzaya səbəb olan sürücü azyaşlı olub və sürücülük hüququna malik deyil.

Bildirilir ki, o, atasına məxsus avtomobili götürərək məhəllədə idarə etməyə çalışıb. Bu zaman yüksək sürət səbəbindən nəqliyyat vasitəsinə nəzarəti itirərək zəncirvari qəzaya səbəb olub.

Hadisə nəticəsində ölən və ya xəsarət alan olmayıb, lakin avtomobillərə ciddi maddi ziyan dəyib.

Faktla bağlı araşdırma aparılır.

Eltac