Avtobus aşdı, 16 nəfər öldü, 20-dən çox insan xəsarət aldı

Nikaraquanın Mataqalpa departamentinin Mansera bələdiyyəsinin yaxınlığında avtobusun iştirakı ilə baş vermiş yol-nəqliyyat hadisəsində 16 nəfər həlak olub.

Bu barədə ölkənin “19digital” xəbər portalı məlumat yayıb.

Bildirilib ki, avtobusun aşdığı qəzada ölmüş 16 nəfərdən altısı həddi-büluğa çatmamış şəxslərdir. Eyni zamanda, olayda 20-dən çox insan yaralanıb, onlara tibbi yardım göstərilib.

İlkin məlumata görə, avtobusun aşmasına səbəb nəqliyyat vasitəsinin körpünün hasarına çırpılması olub. (lent.az)