Avtobus avto-rikşa ilə toqquşduqdan sonra quyuya düşdülər: 26 ölü, 32 yaralı - FOTO

Hindistanın qərbində avtobusun və avto-rikşanın (3 təkərli motosiklet) iştirakı ilə ağır yol qəzası baş verib. Avtosfer.az xəbər verir ki, faciə Maharaştra ştatının Haşik şəhəri yaxınlığında qeydə alınıb. Bu barədə yanvarın 29-da “Mumbai Mirror” qəzeti məlumat verib.

Nəşrin məlumatına görə, toqquşmadan sonra hər iki nəqliyyat vasitəsi yol kənarındakı quyuya düşüb. Nəticədə 26 nəfər ölüb, daha 32 nəfər isə xəsarət alıb.

Bildirilir ki, vəfat edənlər arasında yetkinlik yaşına çatmayanlar da var.

Şəhər hökumətinin nümayəndəsi Sadhaşiv Vaqmarenin sözlərinə görə, xilasetmə işləri səhər saat 4-də kimi davam etdirilib və gün açılması ilə yenidən işə başlanılıb. Artıq cəsədlərin əksəriyyəti quyudan çıxarılıb, amma içəridə sərnişinlərin olub olmadığını yoxlamağa çalışırıq.

Namiq Musayev