Avtobusa çırpılan avtomobil bu hala düşdü - FOTO

Türkiyənin İstanbul şəhərində minik avtomobilinin və avtobusun iştirakı ilə yol-nəqliyyat hadisəsi baş verib. Avtosfer.az yerli KİV-ə istinadən xəbər verir ki, insident aprelin 29-da axşam saatlarında Kartal rayonunda qeydə alınıb.  

Məlumata görə, sərnişin endirmək üçün dayanacağa yaxınlaşan Aziz E.-nin idarə etdiyi 34 DD 8720 qeydiyyat nömrə nişanlı marşrut avtobusu, sərnişin düşürən zaman ona arxadan yüksək sürətlə gələn 34 RT 1907 qeydiyyat nömrə nişanlı avtomobil çırpılıb. Zərbənin təsirindən minik maşını deformasiyaya uğrayıb. Qəza nəticəsində avtomobilin sürücüsü ağır xəsarətlər alıb. Yaralı, hadisə yerinə çağırılan ambulansın köməyi ilə xəstəxanaya çatdırılıb.

Polis faktla bağlı araşdırmalara başlayıb.

Namiq Musayev