Avtomobili müştərilərin üzərinə sürdü: 10 nəfər xəsarət alıb - FOTO

Avstraliyada minik avtomobilinin insanların üzərinə sürülməsi zamanı 10 nəfər xəsarət alıb. Avtosfer.az xəbər verir ki, insident Sidney şəhərində qeydə alınıb. Bu barədə fevralın 28-də Yeni Cənub Uels ştatının polisi məlumat verib.

Məlumata görə, Şimali Eppinq rayonunda minik avtomobili kafedə olan müştərilərin üzərinə hərəkət edib və sonra da divara çırpılıb.

Nəticədə 9 nəfər müxtəlif dərəcəli bədən xəsarətləri ilə xəstəxanaya yerləşdirilib. Bundan sonra isə, maşınla divar arasında sıxışaraq qalan daha bir nəfər fərq edilib. 30 yaşlarında olan qadın ağır vəziyyətdə xəstəxanaya çatdırılıb.

Hadisə yerinə xüsusi istintaq qrupu cəlb edilib.

Avtomobilin 89 yaşlı sürücüsü isə müayinə üçün xəstəxanaya aparılıb.

Namiq Musayev