Avtomobillə piyadanı vurub qaçan sürücü yaxalanıb - Qazaxda

Qazax rayonunda yol qəzası törədərək hadisə yerindən qaçan şəxs yaxalanıb. DİN-nin Mətbuat Xidmətindən Avtosfer.az-a verilən məlumata görə, yanvarın 28-də saat 23 radələrində Qazax rayonunun Birinci Şıxlı kəndi ərazisində müəyyən edilməmiş avtomobillə yolu keçən kənd sakini F.Abdulkərimov vurub və o, xəstəxanaya yerləşdirilib.

Baş İstintaq və Təhqiqat İdarəsi və Baş Dövlət Yol Polisi əməkdaşlarının birgə keçirdikləri istintaq-əməliyyat tədbirləri nəticəsində yol qəzasını törədərək hadisə yerindən yayınmaqda şübhəli bilinən “VAZ-2103” markalı avtomobilin sürücüsü, Qazax rayon sakini F.Şıxıyev saxlanılıb.

Namiq Musayev