Bakı-Sumqayıt yolunda avtomobillər toqquşdu, tıxac yarandı - FOTO

Bakıda iki avtomobilin toqquşması ilə nəticələnən yol-nəqliyyat hadisəsi baş verib.

Avtosfer.az xəbər verir ki, "Report"un məlumatına görə hadisə paytaxtın Binəqədi rayonu ərazisində qeydə alınıb.

Belə ki, 10-UO-769 dövlət nömrə nişanlı avtomobil 90-DC-680 dövlət nömrə nişanlı "Hyundai" markalı avtomobilə arxadan çırpılıb. Hadisə nəticəsində xəsarət alan olmasa da hər iki avtomobilə ziyan dəyib.

Hadisə nəticəsində tıxac yaranıb.