Bakı-Sumqayıt yolunda qəza: Tıxac yarandı - FOTO - VİDEO

Bakı-Sumqayıt yolunda yol-nəqliyyat hadisəsi olub. Avtosfer.az Oxu.Az-a istinadən məlumat verir ki, hadisə Bakı-Sumqayıt yolunun Xırdalan dairəsi yaxınlığından keçən hissəsində baş verib.

TIR yük maşını ilə “Hyundai” markalı, 90 LX 508 dövlət nömrə nişanlı avtomobil toqquşub. Hadisə nəticəsində ölən və yaralanan olmayıb. 

Qəza Bakı-Sumqayıt yolunun Xırdalan dairəsindən “Ekologiya postu”na qədər olan hissəsində tıxacın yaranmasına səbəb olub.

Xatırladaq ki, Bakı-Sumqayıt yolunun genişləndirilməsi çərçivəsində görülən işlər davam edir.