Bakıda 2 avtomobil toqquşub, xəsarət alanlar var - FOTO

Bakının Binəqədi rayonunda yol-nəqliyyatı hadisəsi zamanı iki nəfər yaralanıb.

Avtosfer.az xəbər verir ki, avtoqəza Azadlıq prospektində baş verib.

Belə ki, “Chevrolet” markalı avtomobilin sürücüsü prospektin kəsişməsində olan yolu keçərkən “Kia” markalı nəqliyyat vasitəsi ona çırpılıb. Zərbənin təsirindən “Kia” deformasiyaya uğrayıb. Bundan əlavə, sözügedən nəqliyyat vasitəsinin sürücüsü və sərnişini müxtəlif bədən xəsarətləri alıblar. Hadisə yerinə təcili tibbi yardım briqadası cəlb edilib. Yaralılar Kliniki Tibbi Mərkəzə yerləşdirilib.

Qəzanın dəqiq səbəbi hələlik bilinmir. Buna görə də, Binəqədi Rayon Polis İdarəsinin əməkdaşları tərəfindən avtotexniki ekspertiza təyin edilib.

apa