Bakıda 2 avtomobil toqquşub, xəsarət alanlar var - FOTO

Bakının Nəsimi rayonunda taksi fəaliyyəti ilə məşğul olan 2 avtomobil qəza törədib.

Avtosfer.az APA-ya istinadən xəbər verir ki, hadisə Səməd Vurğun və Abbasqulu Ağa Bakıxanov küçələrinin kəsişməsində qeydə alınıb.

Vahid Tahirzadə idarə etdiyi “Chevrolet” markalı nəqliyyat vasitəsi ilə hərəkətdə olan zaman Anar Ağazadənin  idarə etdiyi “Opel” markalı avtomobilə çırpılıb.

Nəticədə “Chevroletdə” müştəri qismində olan xanım və nəqliyyat vasitəsinin sürücüsü V. Tahirzadə xəsarət alıb.

Faktla bağlı Nəsimi Rayon Polis İdarəsində araşdırma aparılır.

Gültən