Bakıda 25 və 61 yaşlı piyadalar vuruldu

Bakının Nərimanov rayonunda gənc qadının xəsarət alması ilə nəticələnən yol-nəqliyyat hadisəsi baş verib.

H.Əliyev prospektində avtomobil yolu keçən 1995-ci il təvəllüdlü Cəfərova Vüsalə Əfqan qızını vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona sağ baldır sümüyünün sınığı diaqnozu qoyulub.

Digər bir hadisə isə Bakının Səbail rayonunda qeydə alınıb.

Yolu keçən 1962-ci il təvəllüdlü Qasımov Nadir Rəhman oğlunu avtomobil vurub.

Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona qapalı fəqərə sütununun sınığı diaqnozu qoyulub.

Hər iki fakt araşdırılır. (report)