Bakıda 62 yaşlı kişi yol qəzasında xəsarət aldı

Bakıda xəsarətlə nəticələnən yol-nəqliyyat hadisəsi baş verib. "Report"un məlumatına görə, hadisə Qala qəsəbəsində qeydə alınıb. İki minik avtomobilinin toqquşması nəticəsində 1958-ci il təvəllüdlü Cabbarov Ədalət Əhəd oğlu xəsarət alıb. Yaralı təcili tibbi yardım briqadasının köməkliyi ilə xəstəxanaya çatdırılıb. Ona qarnın küt travması diaqnozu qoyulub.