Bakıda “ara işləyən” sürücü qəza törədib qaçdı - VİDEO

Paytaxtın Yasamal rayonunda sürücü qəzaya səbəb olaraq hadisə yerindən uzaqlaşıb.
Avtosfer.az-ın məlumatına əsasən, olay sentyabrın 18-də saat 20:00 radələrində “Şamaxinka” dairəsində qeydə alınıb. Belə ki, 90-FS-054 dövlət nömrə nişanlı, “Nissan Sunny” markalı avtomobil hərəkətdə olarkən 77-XZ-508 dövlət nömrə nişanlı, “Mercedes Vito” markalı minik vasitəsi tərəfindən vurulub. Zərərçəkmişin sözlərinə görə, “Mercedes” sürücüsü yol hərəkəti qaydasını kobud şəkildə pozub və avtomobilinə dəyərək ona maddi-mənəvi ziyan vurub. Digər nəqliyyat vasitələrinə də təhlükə yaradan sürücü maşına vurduğu ziyanı ödəmək əvəzinə hadisə yerindən qaçıb. 
Qeyd edək ki, qəza nəticəsində avtomobilin qanadı və qanad altlığı, bamperinin yan hissəsi və diski zədələnib.

Nərmin