Bakıda avtomobil piyadanı vuraraq hadisə yerindən qaçıb

Bakının Nizami rayonunda yol-nəqliyyat hadisəsi zamanı 1 nəfər ağır xəsarət alıb.

Avtosfer.az APA -ya istinadən xəbər verir ki, qəza 8-ci kilometr qəsəbəsində qeydə alınıb.

Bəkir Çobanzadə küçəsində yolu keçmək istəyən 1991-ci il təvəllüdlü Yazməmmədov Siyavuş Ələşrəf oğlunu avtomobil vurub.

Hadisəni törədən sürücü ərazidən uzaqlaşıb.

Yaralı ağır vəziyyətdə 3 saylı Şəhər Klinik Xəstəxanasına çatdırılaraq reanimasiya şöbəsinə yerləşdirilib.

Faktla bağlı araşdırma aparılır. 

Gültən