Bakıda 5 avtomobil toqquşdu: xəsarət alan var - FOTO

Bakının Nərimanov rayonunda zəncirvari yol-nəqliyyat hadisəsi baş verib.

Qəza Əliyar Əliyev küçəsində qeydə alınıb.

Hadisə "Hyundai", iki “Toyota”, “Tofaş” və “Chevrolet” markalı avtomobillərin iştirakı ilə baş verib.

Avtomobillərə ciddi ziyan dəyib.

Hadisə nəticəsində Davudova Səbiqə Rasim qızı xəsarət alıb.

Yaralı təcili tibbi yardım avtomobili ilə xəstəxanaya aparılıb.

Əraziyə polis əməkdaşları cəlb edilib. Avtomobillər ərazidən kənarlaşdırılıb.

Faktla bağlı araşdırma aparılır. (apa)