Bakıda başı telefona qarışan sürücü maşını işıq dirəyinə çırpdı - VİDEO

Bakının Yasamal rayonunda yol-nəqliyyat hadisəsi baş verib. Avtosfer.az APA-ya istinadən xəbər verir ki, qəza Abdulla Şaiq küçəsində qeydə alınıb. Hadisə şahidlərinin verdiyi məlumata görə, “Hyundai” markalı avtomobilin sürücüsünün diqqəti mobil telefonda olduğundan sükana nəzarəti itirib və nəticədə yol kənarındakı işıq dirəyinə çırpılıb. Hadisə nəticəsində sürücü yüngül bədən xəsarəti alıb. Baş vermiş qəza ilə bağlı əraziyə Yasamal Rayon Polis İdarəsinin əməkdaşları cəlb edilib.