Bakıda bir neçə avtomobilin toqquşması tıxac yaratdı - FOTO

Bakıda zəncirvari qəza olub. Avtosfer.az-ın "Report"a istinadən məlumatına görə, hadisə Ziya Bünyadov prospektində qeydə alınıb. Belə ki, "90-ZE-882" dövlət nömrə nişanlı "Hyundai" markalı avtomobil sürət həddini aşaraq "90-RP-354" dövlət nömrə nişanlı "Volkswagen Passat" markalı avtomobili arxadan vurub. Sonuncu isə öz növbəsində "99-HD-526" dövlət nömrə nişanlı "Honda" markalı avtomobilə çırpılıb. Qəza nəticəsində xəsarət alan olmasa da, hər üç nəqliyyat vasitəsinə ziyan dəyib. Hadisə yerinə DYP əməkdaşları gəlib.

Qəza ilə bağlı prospektdə tıxac yaranıb.