Bakıda BMW piyadanı vurub

Bakıda piyadanın vurulması ilə nəticələnən yol-nəqliyyat hadisəsi baş verib. 

Avtosfer.az APA-ya istinadən məlumatına görə, hadisə paytaxtın Xətai rayonu, Babək prospektində qeydə alınıb. Belə ki, şəhər sakini Məhəmməd Yaqublu idarə etdiyi BMW markalı GEO-00-293 dövlət qeydiyyat nişanlı avtomobil ilə həmyerlisi, 1991-ci il təvəllüdlü Şahmar Məmmədovu vurub. 

Hadisə nəticəsində piyada ağır xəsarət alaraq 1 saylı Şəhər Klinik Xəstəxanasına yerləşdirilib.

Faktla bağlı Xətai Rayon Polis Şöbəsi tərəfindən araşdırma aparılır.