Bakıda iki avtomobil toqquşdu, 46 yaşlı qadın yaralandı

Bu gecə paytaxt Bakıda bir nəfərin xəsarət alması ilə nəticələnən yol qəzası baş verib. Hadisə Nizami rayonu ərazisində qeydə alınıb.

Belə ki, iki nəqliyyat vasitəsinin toqquşması nəticəsində 1974-cü il təvəllüdlü Mirzəyevə Leyla Əfras qızı xəsarət alıb.

Yaralı təcili yardımın köməkliyi ilə xəstəxanaya çatdırılıb, ilkin müayinə zamanı ona baş beynin silkələnməsi diaqnozu qoyulub.

Baş verən yol-nəqliyyat hadisəsi ilə bağlı araşdırma aparılır. (“Report”)