Bakıda iki avtomobil toqquşdu, xəsarət alanlar var

Bakıda iki avtomobilin toqquşması ilə nəticələnən yol-nəqliyyat hadisəsi baş verib.

Hadisə Xətai rayonunda yerləşən "Ağ şəhər"də qeydə alınıb.

Qəza nəticəsində 2001-ci il təvəllüdlü Almazov Elton Zamanoviç və 2000-ci il təvəllüdlü İsgəndərov Firqət Əsgər oğlu xəsarət alıblar.

Yaralılar təcili tibbi yardım briqadasının köməkliyi ilə xəstəxanaya çatdırılıblar.

E.Almazova onurğanın əzilməsi, F.İsgəndərova isə sağ bud sümüyünün sınığı diaqnozları qoyulub. ("Report")