Bakıda iki motosiklet toqquşdu, xəsarət alan var

Bakıda xəsarətlə nəticələnən yol qəzası baş verib.

Avtosfer.az-ın "Report"-a istinadən məlumatına görə, hadisə Nəsimi rayonunda qeydə alınıb.

Şəmsi Bədəlbəyli küçəsi və Bülbül prospekti ilə hərəkətdə olan iki motosiklet toqquşub. Qəza zamanı onlardan biri 99-UP-374 dövlət nömrə nişanlı "Chevrolet" markalı avtomobilə çırpılıb. Hadisə nəticəsində motosikletin sürücüsü xəsarət alıb.

Əraziyə təcili tibbi yardım maşını və Nəsimi rayonu PPX əməkdaşları cəlb edilib.