Bakıda “Mercedes” əks yola çıxdı, “Toyota”ya çırpıldı: yaralılar var - FOTO

Bakının Nərimanov rayonunda yol qəzası baş verib.

Hadisə Ziya Bünyadov prospektində qeydə alınıb.

Belə ki, “Mercedes” markalı avtomobilin sürücüsü sükana nəzarəti itirərək əks yola çıxb. Bu zaman “Mercedes” əks istiqamətdə hərəkətdə olan “Toyota”ya çırpılıb.

Qəza nəticəsində “Mercedes”in sürücüsünün sol ayağı sınaraq avtomobildə sıxışıb qalıb.

Buna görə əraziyə FHN-in Xüsusi Riskli Xilasetmə Xidmətinin əməkdaşları cəlb edilib.

Avtomobildə sıxışıb qalan yaralı çıxarılaraq xəstəxanaya aparılıb.

Bundan başqa “Toyota”da olan sərnişin də xəsarət aldığından xəstəxanaya çatdırılıb. (apa)