Bakıda motosiklet və mopedlə törədilən qəzaların sayı açıqlanıb

Bakıda ötən il motosiklet və mopedlə törədilən qəzaların sayı açıqlanıb.

Bakı şəhər Baş Polis İdarəsinin Dövlət Yol Polisi İdarəsinin baş inspektoru, polis mayoru Araz Əsgərli Avtosfer.az-ın sorğusuna cavab olaraq bildirib ki, motosikletlə törədilən 4 hadisədə 1 nəfər ölüb, 4 nəfər xəsarət alıb, mopedlə törədilən 14 hadisədə isə 1 nəfər ölüb, 14 nəfər xəsarət alıb: "Bundan başqa, yük avtomobilləri ilə törədilən 17 hadisədə 12 nəfər ölüb, 11 nəfər xəsarət alıb. Velosipedlə isə 4 hadisədə 1 ölüm, 3 xəsarət halı qeydə alınıb".