Bakıda motosikletlə "Mercedes" toqquşdu

Bakıda yol qəzası baş verib.

Hadisə paytaxtın Nizami rayonu, Cəmşid Naxçıvanski küçəsində qeydə alınıb.

Bakı şəhər sakini, 1993-cü il təvəllüdlü Emin Həsənov idarə etdiyi motosiklet ilə hərəkətdə olarkən "Mercedes" markalı avtomobillə toqquşub. Hadisə zamanı E.Həsənov xəsarət alaraq 3 saylı şəhər xəstəxanasına yerləşdirilib.

Faktla Nizami rayon Polis İdarəsi tərəfindən araşdırma aparılır.