Bakıda motosikletlə minik avtomobili toqquşub, 1 nəfər ağır yaralanıb - FOTO

Paytaxtın Nərimanov rayonu, Əhməd Rəcəbli küçəsi ilə Fətəli xan Xoyski küçəsinin kəsişməsində yol-nəqliyyat hadisəsi baş verib.

Avtosfer.az APA-ya istinadən xəbər verir ki, hadisə motosikletlə “Renault” markalı avtomobilin toqquşması nəticəsində qeydə alınıb.

Hadisə şahidlərinin verdiyi məlumata görə, motosikletin sürücüsü ağır dərəcəli bədən xəsarətləri alıb və huşsuz vəziyyətdə təcili tibbi yardım əməkdaşları tərəfindən xəstəxanaya aparılıb.

Əraziyə dərhal Dövlət Yol Polisi əməkdaşları cəlb olunub. Faktla bağlı araşdırma aparılır.