Bakıda “Prius”la dirəşən “Mercedes” sürücüsü 4 maşını vurub əzdi - VİDEO

Paytaxtın Nizami rayonu Mikayıl Əliyev küçəsində iki sürücü arasında gərginlik baş verib.

Avtosfer.az xəbər verir ki, hadisə zamanı 77-GL-307 dövlət nömrə nişanlı "Mercedes" markalı avtomobilin sürücüsü hərəkətdə olarkən qəfil manevr edərək 90-LY-212 dövlət nömrə nişanlı "Toyota Prius" markalı avtomobilin qarşısını kəsib.

"Mercedes"in sürücüsü avtomobildən düşərək digər sürücü ilə sərt şəkildə mübahisə edib. Daha sonra maşınına minərək ərazidən uzaqlaşıb. Bu zaman soldan gələn maşınla toqquşan “Mercedes” idarəetmədən çıxaraq 3 maşına çırpılıb.

Gərginlik nəticəsində yolda qısamüddətli tıxac yaranıb. 

Eltac Zülfüqaroğlu