Bakıda “Toyota” markalı avtomobil piyada keçidinə çırpılıb - FOTO

Bakının Səbail rayonunda yol-nəqliyyat hadisəsi baş verib. Avtosfer.az APA-ya istinadən xəbər verir ki, Neftçilər prospektində hərəkətdə olan “Toyota” markalı minik avtomobilinin sürücüsü idarəetməni itirərək yol kənarındakı yerüstü piyada keçidinin dəmir konstruksiyasına çırpılıb. Hadisə yerinə polis əməkdaşları cəlb edilib. Hadisə şahidlərinin bildirdiklərinə görə, “VAZ 2107” markalı avtomobil “Toyota”nın qarşısına çıxaraq sürücünü çaşdırıb.