Bakıda yol ayrıcında iki avtomobil toqquşub - FOTO

Bakının Səbail rayonunda yol-nəqliyyat hadisəsi baş verib. Avtosfer.az APA-ya istinadən xəbər verir ki, hadisə Bülbül prospekti ilə Zərifə Əliyeva küçəsinin kəsişməsində qeydə alınıb. Həsənzadə İbrahim Vüqar oğlu idarə etdiyi "Hyundai" markalı nəqliyyat vasitəsi ilə işıqforun sarı işığında yolu keçmək istəyərkən Ələkbərli Cavid Elşad oğlunun idarə etdiyi "Renault" markalı avtomobilin yoluna çıxıb və avtomobillər toqquşub. Zərbənin təsirindən "Renault" yol kənarındakı səkiyə çırpılıb. Qəza nəticəsində hər iki avtomobilə ciddi ziyan dəyib. Səbail Rayon Polis İdarəsinin əməkdaşları hadisə yerinə cəlb edilib. Sürücülərin izahatı alınıb.

Faktla bağlı araşdırma aparılır.