Bakıda yolu keçən kişini avtomobil vurdu

Bakıda piyadanın vurulması ilə nəticələnən yol-nəqliyyat hadisəsi baş verib.

Avtosfer.az “Report” -a istinadən xəbər verir ki, hadisə paytaxtın Binəqədi rayonu ərazisində qeydə alınıb.

Belə ki, “VAZ - 2106” markalı avtomobil yolu keçmək istəyən 45-50 yaşlarında naməlum kişini vurub.

Yaralı təcili tibbi yardım briqadasının köməkliyi ilə xəstəxanaya çatdırılıb.

Vəziyyətinin ağır olduğu bildirilir. Faktla bağlı araşdırma aparılır.

Gültən