Bakıda yük avtomobili 35 yaşlı kişiyə xəsarət yetirib

Bakıda yük avtomobili piyadaya xəsarət yetirib.

Avtosfer.az "Report"-a istinadən xəbər verir ki, hadisə Xətai rayonunda baş verib.

"Kamaz“ markalı yük avtomobili Yusif Səfərov küçəsində 1985-ci il təvəllüdlü Cavadov Cavid Tofiq oğlunun sol ayağının üstündən keçib. Nəticədə C.Cavadov ağır xəsarət alıb.

Yaralını ərazidə xidmət göstərən YPX əməkdaşları 1 saylı şəhər Kliniki Xəstəxanasına çatdırıblar.

Faktla bağlı araşdırma aparılır.

Gültən