Bakıda zəncirvari qəza: "Skoda" idarəetməni itirdi və qarşıdakı avtomobilə çırpıldı - FOTO

Bakıda 9-cu mikrorayon ərazisində zəncirvari qəza olub.

Avtosfer.az xəbər verir ki, qəza Mir Cəlal küçəsində, "Araz" marketin qarşısında baş verib.

"Skoda" markalı 77-AJ-699 dövlət nömrə nişanlı avtomobil svetaforun yaşıl işiğında hərəkət edərkən qarşıdakı çuxura düşməmək üçün sükanı qaçırmaq istəyərkən qəfil əyləci basıb və sürüşüb. Bu zaman qarşıdakı "Mercedes" markalı avtomobilə dəyib. Həmin avtomobil də qarşıdakı "Mercedes"ə dəyib və zəncirvari qəza baş verib.

Əraziyə polis əməkdaşları gəlib.

Hadisə ilə bağlı araşdırma aparılır.