Balakəndə ağır qəza baş verdi - 2 ölü, 2 yaralı - FOTOLAR

Balakəndə iki nəfərin ölümü ilə nəticələnən yol-nəqliyyat hadisəsi baş verib. "Qafqazinfo"nun məlumatına görə, hadisə axşam saatlarında Balakən-Kortala avtomobil yolunda qeydə alınıb.

Hərəkətdə olan iki nəqliyyat vasitəsinin toqquşması nəticəsində iki nəfər Balakən sakini hadisə yerindəcə dünyasını dəyişib. Daha iki nəfər – Balakən sakinləri, 1993-cü il təvəllüdlü Vaqif Əjdər oğlu Musayev və 1996-cı il təvəllüdlü Elmar Eldar oğlu Şahverdiyev aldıqları müxtəlif xəsarətlərlə Zaqatala Mərkəzi Rayon Xəstəxanasına yerləşdiriliblər, vəziyyətləri orta-ağır kimi qiymətləndirilir.

Ölən şəxslərin kimliyi hələlik məlum deyil.

Faktla bağlı araşdırma aparılır.