Bakıda avtomobil ahıl qadını vuraraq xəsarət yetirdi

Bakıda piyadanın xəsarət alması ilə nəticələnən yol-nəqliyyat hadisəsi qeydə alınıb.

Avtosfer.az-ın “Report”-a istinadən məlumatına görə, hadisə Suraxanı rayonunda baş verib.

Avtomobil yolu keçən 1954-cü il təvəllüdlü Quliyeva Məlahət Əli qızını vurub. Yaralı təcili yardımın köməkliyi ilə xəstəxanaya çatdırılıb. Müayinə zamanı ona döş qəfəsinin küt travması və bədənin müştərək travması diaqnozları qoyulub.

Faktla bağlı araşdırma aparılır.