Bərdədə “07” “Nissan”la toqquşdu: 2 ölü, 1 yaralı

Bərdə rayonunda 2 nəfərin ölümü, 1 nəfərində xəsarət alması ilə nəticələnən yol-nəqliyyat hadisəsi baş verib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, aprelin 26-da saat 15 radələrində Bərdə rayonunun Köbər kəndi ərazisində Mustafaağalı kənd sakini H.Məmmədovun idarə etdiyi “VAZ-2107” və Bakı şəhər sakini Elnur Cəfərovun idarə etdiyi “Nissan” markalı avtomobillər toqquşub. Nəticədə E.Cəfərov hadisə yerində ölüb, sərnişini olan qardaşı Seymur, habelə digər sürücü xəstəxanaya yerləşdirilib, Seymur orada ölüb.

Baş İstintaq və Təhqiqat İdarəsi tərəfindən araşdırma aparılır.

Namiq Musayev